វេទិកាផ្សព្វផ្សាយសមិទ្ធផលអាណត្តិទី១ របស់អាជ្ញាធរសេវាហិរញ្ញវត្ថុមិនមែនធនាគារ
និងសន្និសីទមូលបត្រប្រចាំឆ្នាំ២០២៦

វេទិកាផ្សព្វផ្សាយសមិទ្ធផលអាណត្តិទី១ របស់អាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និងសន្និសីទមូលបត្រប្រចាំឆ្នាំ២០២៦ គឺជាព្រឹត្តិការណ៍ដ៏មានសារៈសំខាន់ ដែលរៀបចំឡើងដោយនិយ័តករមូលបត្រកម្ពុជា (ន.ម.ក.) រួមសហការជាមួយអគ្គលេខាធិការដ្ឋាននៃ អ.ស.ហ.។ ព្រឹត្តិការណ៍នេះមានគោលបំណងផ្សព្វផ្សាយពី សមិទ្ធផលសំខាន់ៗដែលសម្រេចបាននៅក្នុងអាណត្តិទី១ និងទិសដៅអាទិភាពក្នុងអាណត្តិទី២ នៃ អ.ស.ហ., បង្កើតជាវេទិកាជួបជុំ និងពិភាក្សាផ្លាស់ប្តូរយោបល់រវាងតួអង្គពាក់ព័ន្ធ និងអ្នកជំនាញក្នុងវិស័យមូលបត្រ ព្រមទាំងដៃគូអភិវឌ្ឍន៍សំខាន់ៗលើធាតុគន្លឹះក្នុងអេកូឡូស៊ីប្រព័ន្ធហិរញ្ញវត្ថុកម្ពុជាសម្រាប់វិស័យមូលបត្រ។